Бизнис
ВО УСЛОВИ НА ГЛОБАЛНИ ТЕНЗИИ ПОРАСТ НА ПРОДАЖБАТА НА НЕДВИЖНИНИ ВО ДУБАИ ВРЕДНИ НАД 10 МИЛИОНИ ДОЛАРИ
08.07.2025
Пазарот на луксузни недвижности во Дубаи продолжи да поставува рекорди во вториот квартал од 2025 година, и покрај геополитичките тензии и економските превирања предизвикани од новите американски тарифи.
Според податоците од истражувачката компанија Knight Frank, продажбата на недвижности вредни над 10 милиони долари достигна вкупно 2,6 милијарди долари во периодот од април до јуни. Ова претставува раст од 37 проценти во споредба со првиот квартал и дури 63 проценти повеќе отколку во истиот период минатата година.
Евидентирани се вкупно 143 трансакции, што е за 52 проценти повеќе од претходната година, а меѓу нив 22 продажби надминаа 25 милиони долари.
Цените во 10-те најпрестижни населби во Дубаи се зголемија во просек за 18 проценти во споредба со минатата година, додека во споредба со првиот квартал останаа речиси непроменети.
За прв пат од вториот квартал од 2023 година, продажбата на луксузни станови ја надмина продажбата на вили, продадени се 80 станови и 63 вили или семејни куќи. Од 2020 година, побарувачката за недвижности во Дубаи е нагло зголемена. Секторот за луксузни недвижности е зајакнат, вклучувајќи ги и вилите на вештачки палмини острови, кои станаа омилена дестинација за богатите доселеници, пренесува Бизнис.рс.
фото freepic