Бизнис
ОД ПОЛНОЌ НОВИ ЦЕНИ НА ГОРИВАТА, поскапува дизелот, пониски цени за бензините
07.07.2025
Регулаторната комисија за енергетика денеска донесе одлука за намалување на малопродажните цени на нафтените деривати во просек за 0,73%, а новите цени ќе се применуваат од полноќ.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 30.06.2025 година.Малопродажната цена на ЕУРОСУПЕР БС-95 изнесува 74,00 ден/лит, додека малопродажната цена на ЕУРОСУПЕР БС-98 изнесува 76,00 ден/лит.
Малопродажната цена на ЕУРОДИЗЕЛ (Д-Е V) се зголемуваа за 0,50 ден/лит и ќе изнесува 70,00 ден/лит.
Малопродажната цена на Екстра лесното масло за домаќинство на (ЕЛ-1), не се менува, односно останува на исто ниво како што била утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа, малопродажната цена на Екстра лесното масло за домаќинство на (ЕЛ-1) изнесува 69,50 ден/лит.
Малопродажната цена на Мазутот М-1 НС, се намалува за 0,174 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 30.06.2025 година и со тоа малопродажната цена на Мазутот М-1 НС изнесува 39,409 ден/кг.