Бизнис
„Тргни-застани“ со германското индустриско производство, мало месечно раздвижување на автомобилската индустрија
07.07.2025
Индустриското производство во Германија во мај порасна повеќе од очекуваното, благодарение главно на автомобилската индустрија и производството на енергија, соопшти Федералниот завод за статистика во понеделник.
Производството порасна за 1,2 проценти во однос на претходниот месец, додека аналитичарите очекуваа дека ќе остане непроменето (0,0 проценти).
Производството во периодот од март до мај е за 1,4 проценти поголемо отколку во претходните три месеци.
Заводот за статистика, исто така, ги ревидираше податоците за април, покажувајќи пад на производството од 1,6 проценти, повисоко од првично проценетите 1,4 проценти.
Индустриските нарачки во Германија паднаа за 1,4 проценти во мај, со што се прекина неодамнешниот тренд на раст, а падот се должи на послабата побарувачка од земјите од еврозоната, покажаа податоците објавени во петок, пренесува Бизнис.рс.
фото freepic