Интересот за одмор кај српските граѓани е помал за десет проценти во однос на минатата година, а цените се зголемени за пет до 15 проценти. Александар Сеничиќ од Националното здружение на туристички агенции (YUTA) за Данас вели дека моментално има намалување на интересот во споредба со минатата година, а ова особено се однесува за дестинации како Кипар, Турција и Египет...

- Сè уште има достапни капацитети за јули, август и септември. Сепак, побарувачката се зголеми во последните денови, бидејќи влегуваме во главната сезона кога патува најголем број луѓе. Најатрактивни секако се аранжманите за септември, токму поради цените, кои се значително пониски отколку во јули или август, вели Сеничиќ.

Најпопуларната земја за одмор традиционално  е северниот дел од Грција, каде што најголемиот број патници престојуваат во апартмани.

Турција, иако е сè уште многу популарна семејна дестинација, годинава бележи мал пад на побарувачката, делумно поради зголемувањето на цените. Цените се зголемиле за пет до 20 проценти во споредба со минатата година, во зависност од дестинацијата.

Кај српските туристи најголема побарувачка има за аранжманите во Грција, Турција и Шпанија, но и за Италија.  Годинава има помала побарувачка за Црна Гора и Хрватска.

фото freepic