Бизнис
Просечната плата во Црна Гора надмина 1.000 евра
30.06.2025
Просечната нето плата во Црна Гора се зголеми на 1.014 евра во мај 2025 година, но реалната куповна моќ на граѓаните малку се намали поради зголемувањето на цените, покажуваат податоците на МОНСТАТ.
Просечната нето плата во Црна Гора во мај 2025 година изнесуваше 1.014 евра, според најновите податоци од Заводот за статистика (МОНСТАТ). Во споредба со април, ова претставува раст од 0,5 проценти, додека на годишно ниво е забележан значителен скок од дури 21,9 проценти.
Во исто време, потрошувачките цени се зголемија за 0,6 проценти во мај, што значи дека куповната моќ на граѓаните во овој месец се намали за 0,1 процент.
Бруто заработката, односно вкупниот износ на плати исплатени пред оданочување и придонеси, во мај изнесуваше 1.208 евра.
Највисоки нето приходи се забележани во секторот за финансии и осигурување (1.606 евра), снабдување со електрична енергија (1.423 евра) и информации и комуникации (1.302 евра).
фото freepic