Бизнис
ГОДИШНО НАМАЛУВАЊЕ НА ОРГАНСКОТО ЗЕМЈОДЕЛСКО ПРОИЗВОДСТВО ВО МАКЕДОНИЈА
30.06.2025
Во 2024 година обработливата површина со органско земјоделско производство во Македонија, е намалена за 10,0 %, во однос на 2023 година, објави Државниот завод за статистика.
Во 2024 година, со земјоделско органско производство се занимавале 873 производители.
Во истиот период се регистрирани 4 130 хектари обработлива површина, од кои 1 477 хектари се површини на органско производство во преод.
Најголемо учество во површините со органско производство имаат житните култури со со 1 862 хектари.
Во однос на 2023 година, органското производство на житните култури е зголемено за 10,8 %, кај индустриските култури производството е намалено за 48,4 %, кај фуражните култури производството е зголемено за 27,8 %, производството на зеленчук е намалено за 18,3 %, кај овошките производството е зголемено за 4,8 % и за 33,1 % е намалено производството на органски лозови насади.
Вкупниот број органски говеда е 9 444 грлa и во вкупниот број говеда учествува со ,.6 %.
Учеството на органски овци во вкупниот број овци изнесува 20,9 %, а органските кози учествуваат во вкупниот број кози со 5.2 %.
Производството на органски мед во 2024 година е намалено за 9,3 % во однос на
2023 година, а бројот на пчелни семејства во истиот период е зголемен за 1,9 %.
Главни поенти
Во 2024 година
- Површина со растително органско производство: 4 130 хектари
- Органски говеда: 9 444
- Органски овци: 108 012
- Органски кози: 5 065
- Пчелни семејства: 11 153
Споредено со 2023 година
- Површина со растително органско производство: -10,0 %
- Органски говеда: +25,5 %
- Органски овци: -10,4%
- Органски кози: +2,0 %
- Пчелни семејства: +1,9 %