Бизнис
СО РАЗЛИКАТА ВО ЦЕНИ НА ГОРИВАТА СО ПОЛНЕЊЕ НА РЕЗЕРВОАР СЕ ЗАШТЕДУВА 7,50 ЕВРА, какви се цените на горивата во земјите од регионот
22.06.2025
Горивото во регионот во јуни беше најевтино во Босна и Херцеговина, а најскапо во Србија и Австрија, според анкета објавена од порталот за цени на горива Nafta.hr.
Како што е наведено, разликите во цените во регионот се големи, а во некои случаи и повеќе од 0,4 евра за литар.
Во просек, БиХ има најниски цени и за бензин и за дизел, додека Црна Гора е најевтина кога станува збор за бензин. Австрија и Србија се најскапи особено за дизел и бензин.
Возач од Хрватска кој точи дизел во Босна и Херцеговина може да заштеди околу 7,50 евра на резервоар од 50 литри.
Многу фактори влијаат на цената на горивото: даночна политика и субвенции (некои земји како Унгарија имаа замрзнати цени), статус на членство во ЕУ (БиХ и Црна Гора не подлежат на истите енергетски директиви), стабилност на валутата и трошоци за увоз-извоз, како и близина до рафинерии и пристаништа, пренесе Блиц.
Регулаторната комисија за енергетика во петокот донесе одлука за ново поскапување на гдизел горивото. Ова беше трето поскапување за една недела.
Новата малопродажнa цена на ЕУРОДИЗЕЛ (Д-Е V) изнесува 72 денари за литар, ЕУРОСУПЕР БС-95 и понатаму ќе се продава за 76, ЕУРОСУПЕР БС-98 за 78, а Екстра лесното масло за домаќинство (ЕЛ-1) за 70 денари за литар.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 5,314 отсто, кај дизелот за 4,601, кај екстра лесното масло за 4,326 и кај мазутот за околу 2,135 отсто. Курсот на денарот во однос на доларот по кој беа формирани цените со претходната пресметка е понизок за 0,1781 отсто.
Прегледот на цените на горивата во земјите од регионот со состојба од 17.06.2025 година:
Хрватска - литар од еуросупер чини 1,42 евра, еуродизел 1,30 евра
Босна и Херцеговина - еуросупер 1,19 евра/ еуродизел 1,15 евра
Србија - еуросупер 1,53 евра/ еуродизел 1,61 евро
Црна Гора - еуросупер 1,43 евра/ еуродизел 1,1,30
Словенија - еуросупер 1,44 евра/ еуродизел 1,46
Унгарија - еуросупер 1,47 евра/ еуродизел 1,46