Бизнис

Драматичен раст на невработеноста кај младите луѓе во Германија

Стапката на невработени млади луѓе во Германија  драматично се зголемила за 40 проценти од 2022 година, според статистиката од Агенцијата за вработување.

Во мај 2025 година, 257.607 или 5,3 проценти од млади луѓе под 25 години биле невработени. Студијата на Институтот за истражување на вработувањето (IAB) покажува дека повеќе од три четвртини од невработените млади луѓе не завршиле стручно образование.

Невработеноста кај младите се разликува помеѓу старите и новите федерални држави. Според извештајот на IAB, уделот на невработени млади без професионални квалификации се зголемил во источна Германија од 4,3 проценти во 2010 година на 6,1 процент во 2024 година, а во западна Германија  од 2,7 на 3,6 проценти.

Сепак, уделот на млади луѓе со квалификации се намалил во двата дела од земјата помеѓу 2010 и 2024 година односно во западна Германија  од 1,9 на 1,1 процент, а во источниот дел на земјата  од 5,0 на 1,5 проценти.

Со генерално послабата економија на источна Германија, понудата на образование е помала во однос на оние кои завршуваат училиште. Пропорционално, сè повеќе млади луѓе го напуштаат училиштето без квалификации, пренесува Бизпортал.


фото freepic 

ПРЕПОРАЧАНО

Најчитано