Бизнис
Велика Британија ќе ја зголеми компјутерската моќ за 20 пати
09.06.2025
Премиерот на Велика Британија, Кир Стармер, денес, на Лондонската недела на технологијата, објави дека до 2030 година повеќе од 7,5 милиони работници ќе бидат обучени за користење на вештачка интелигенција (ВИ).
Тоа е дел од поширок план за учење на луѓето, вклучително и на студентите, како да ја користат ВИ и технологијата, објасни Стармер, додавајќи дека обуката ќе се спроведува во партнерство со 11 компании со „целосна надлежност од владата“, објави Скај њуз.
- До крајот на овој мандат на парламентот, треба да можеме да го погледнеме секој родител во секој регион на Велика Британија во очи и да кажеме, погледнете што може да ви даде технологијата. Можеме да ставиме пари во вашиот џеб. Можеме да создадеме добри работни места и значително да ги подобриме нашите јавни услуги, рече Стармер.
Стармер, исто така, најави инвестиција од 1 милијарда фунти за зголемување на компјутерската моќ на Велика Британија за 20 пати.
фото freepic