Бизнис
СЕКОЈ СТРАНСКИ ГОСТИН ВО ПОРТО ЈА ПРОБАЛ ПИРОШКАТА ОД БАКАЛАР НА ГОСПОЃА ФРАНСИНА, Порта до Оливал редовна станица на туристите во Португалија
08.06.2025
Португалија станува посакувана дестинација за помладите туристи од Европа и Македонија, кои сакаат да откриваат нови хоризонти. Од бројните знаменитости и прекрасни архитектонски градби во Лисабон и Порто се издвојува и првото кафуле во Порто кое веќе 45 години го води госпоѓа Франсина, во кое секој турист и намерник мора барем еднаш да проба од нејзините бројни специјалитети: печено свинско месо, франчезини, бифани и пирошка со бакалар.
За историјата на ова кафуле и како се одржува долгогодишната традиција на приготвување на познатите португалски печива разговаравме со сопственичката на Порта до Оливал, која се преставува како госпоѓа Франсина.
Таа и г-дин. Анибал почнале да работат во овој кафич пред 45 години и во 2017, после многу труд и жртвување, успеале да го купат целиот објект, се со цел Порта до Оливал да остане во наследство и на него да работи нивната фамилија или оној кој ќе му пружи грижа на локалот така како што тој заслужува, земајќи ја во предвид неговата богата историја.
- Градбата во која што се наоѓа кафичот постои од 1853 година, што значи дека кафулето постои околу 160 години. Кафулето го има добиено своето име, Порта до Оливал (Porta do Olival) благодарение на портата која што се наоѓала на средновековните ѕидови кои што се се-уште дел од ресторанот.
Кој е специјалитетот на кафулето и дали подготвувате само португалска храна?
- Специјалитетите на нашето кафуле се печено свинско месо, франчезини, бифани, тестенина со бакалар и сладок француски тост типичен за Божиќната сезона, кој што се подготвува секој ден во нашата кујна, исто како и сите наши специјалитети.
Како се подготвува тестото со бакалар?
- Рецептот за тестенината со бакалар е едноставен, се што е потребно се: компири, бакалар, јајца, магдонос, сол и бибер. Почнуваме готвејќи ги компирите заедно со бакаларот. Од компирите правиме пире. Бакаларот го сецкаме и на него додаваме магдонос, сол и бибер. Оваа смеса ја толчиме малку и ја додаваме на пирето и така го добиваме нашето тесто. Земаме две лажици од оваа смеса и го оформуваме тестото со бакалар во неговата добро препознатлива форма. Ги пржиме во масло и потоа тие се готови за сервирање.
Кои туристи се најинтересни за вас?
- За нас, сите туристи и локалци кои не посетуваат се важни, бидејќи без нив сето ова би било невозможно. Генерално, локалните Португалци кои работат во оваа околина секогаш го нарачуваат оброкот на денот, како печен свински бут и пилешка чорба и супа. Туристите кои не посетуваат постојано повеќе сакаат да ги пробаат нашите типични порции, како франчезини, бифани, тесто со бакалар и неколку други опции на менито.
Текст и фото: Економија и бизнис