Бизнис
Романија доминира на регионалниот пазар на фриленсери
08.06.2025
Бројот на луѓе кои работат преку дигитални платформи, познати и како гиг работници, во земјите од Југоисточна Европа продолжува да се намалува. Исклучок е Романија, каде што е забележано помало зголемување на активноста во овој сектор. Сепак, Србија продолжува да зазема водечка позиција кога станува збор за овој вид ангажман, со удел од 25 проценти во вкупниот број на фриленсери во Западен Балкан, пишува Еуроњуз.
Романија генерално е традиционално многу успешна, особено во сегментот за развој на софтвер.
- Романија е позната и во технолошкиот свет. Еден од најголемите стартапи во светот штотуку е создаден во Романија, односно во Букурешт. Романија има оваа традиционална база на добро техничко знаење, вели Владан Ивановиќ, професор од Центарот за истражување на јавни политики.
Според него, Бангладеш, Индија и Пакистан се трите земји кои доминираат во глобалната структура на пазарот на фриленсери.
- Тие имаат удел од 53,5 проценти во глобалната пазарна структура на страната на понудата на работна сила. Сепак, кога станува збор за побарувачката, доминира американскиот пазар. Значи, американските компании и поединци, претприемачи се оние кои, во најголем дел, бараат ваков вид услуга, вели Ивановиќ, за Еуроњуз.
фото freepic