Бизнис
Последователен месечен пад на слободни работни места во Хрватска
07.06.2025
Индексот на слободни работни места во Хрватска се намалува петти месец по ред, а во мај изнесува 13,4 проценти на годишна основа, објави Економскиот институт во Загреб (ЕИЗ).. Во последните 12 месеци просечната вредност на индексот била за 4,6 проценти пониска отколку во претходниот споредлив период, што е забрзување на падот во споредба со првите четири месеци од оваа година. Кумулативниот пад од крајот на минатата година е 14,4 проценти.
- Краткорочните сигнали од пазарот на трудот во Хрватска се неповолни и укажуваат на пад на активноста во вториот квартал, истакнаа аналитичарите на ЕИЗ.
Петте најбарани занимања останаа исти во споредба со мај минатата година. Најмногу слободни места има за: продавачи, келнери и готвачи.
Најголем позитивен придонес кон стапката на раст на индексот во мај имаа огласите за вработени во финансии, медицински сестри и фармацевти, додека најголем негативен придонес имаа огласите за продавачи, готвачи и магационери, чија побарувачка се намали за 16,3 проценти за една година.
Пад на бројот на огласи е забележан во сите региони, кој беше највисок во Јужен Јадрански регион (24,3 проценти), а најмал во Северен Јадрански регион (6,4 проценти), пренесува Пословни дневник.
фото freepic