Бизнис
Висок глобален раст на продажбата на чипови
06.06.2025
Глобалната продажба на чипови во април се зголеми за 22,7 проценти на годишно ниво на 57 милијарди долари, објави Здружението на полупроводнички индустрии (SIA). На месечна основа, продажбата се зголеми за 2,5 проценти во споредба со март.
Според податоците собрани од Светската статистика за трговија со полупроводници (WSTS), главните движечки сили се растот на побарувачката во Северна и Јужна Америка за 44,4 проценти и Азиско-пацифичкиот регион за 23,1 процент. Иако е под западни санкции Кина оствари раст од 14,4 проценти и Јапонија 4,3 проценти, додека Европа забележа симболичен раст од 0,1 процент.
- Пазарот на полупроводници продолжува да доживува силен годишен раст благодарение на растечката побарувачка за вештачка интелигенција, инфраструктура за услуги и напредна потрошувачка електроника, изјави претседателот и извршен директор на СИА , Џон Нојфер.
Глобалната продажба на чипови во 2025 година ќе порасне за 11,2 проценти и ќе достигне 700,9 милијарди долари, додека понатамошниот раст се предвидува да достигне 760,7 милијарди долари во 2026 година, според прогнозите на СИА, пренесува Бизпро.
фото freepic