Бизнис
ЦЕНАТА НА МАЛИНИТЕ ЈА НАДМИНА РЕКОРДНАТА ЦЕНА НА ЦРЕШИТЕ ОД 1.500 ДИНАРИ
04.06.2025
На почетокот на сезоната за берба малините станаа вистински луксуз на белградските пазари. Oвој јуни на еден од пазарите во центарот на Белград, килограм малини се продаваше за 2.500 динари (околу 20 евра).
Цената на малините во Србија ја надмина почетната рекордна цена на црешите, кои се продаваа за околу 1.500 динари за килограм.
Продавачите на пазарот во Белград наведуваат дека високите цени се резултат на лошите временски услови, послабиот род и сè поскапото производство.
Поради студеното време, годинава сезоната на берење малини е одложена, па затоа најголемиот род ќе се бере во текот на месец јули, пренесува Блиц.
фото freepic