Бизнис
ШПАНИЈА СО ДВОЦИФРЕНА СТАПКА НА НЕВРАБОТЕНОСТ
03.06.2025
Невработеноста во еврозоната забележа благо намалување во април останувајќи значително под европскиот просек, покажа извештајот на Европската статистичка служба.
Стапката на невработеност во април во земјите од еврозоната , мерена со методологијата на Меѓународната организација на трудот (ИЛО), изнесуваше 6,2 проценти, што е намалување за 0,1 процентен поен од ревидираната вредност во март. На ниво на Европската Унија, таа изнесуваше 5,9 проценти.
Во споредба со април минатата година, стапката на невработеност во еврозоната е намалена за 0,2 процентни поени и 0,1 процентен поен во ЕУ.
Евростат проценува дека приближно 12,9 милиони граѓани биле невработени во ЕУ во април, од кои речиси 10,7 милиони биле во еврозоната.
Шпанија беше единствената земја што забележа двоцифрена стапка на невработеност во април, од 10,9 проценти. Следува Финска, со 9,1 процент, а Шведска беше веднаш зад неа со 8,6 проценти. Грција и Естонија исто така го надминаа нивото од осум проценти, со 8,3 проценти, објави Индекс.
фото freepic