Бизнис
АКТИВНОСТИ ЗА ПОТРЕБИТЕ НА ММСП
Економија и бизнис | печатено издание | 15 мај 2025г.
1. Активности во Комората
– Во насока на надминување на проблемите на компаниите, Центарот за микро, мали и средни претпријатија при Стопанската комора веќе воспостави и реализираше средби со соодветните државни институции, со Централниот регистар на РСМ, со кој беше реализирана и дискусија со засегнатите компании, и со Царинската управа со која во фаза на подготовка е заеднички состанок со компаниите членки на Комората и со Центарот за прашања од интерес на непречено царинско работење. Центарот при Комората е активно вклучен и во изработка на Стратегијата за ММСП, како и во изработка на Акцискиот план на Стратегијата која треба да овозможи ефектуирање на поставените цели за поддршка, за раст и за развој на оваа значајна група субјекти на пазарот.
– Проектот за техничка помош „Зелен бизнис-центар“ реализираше серија активности со повеќе засегнати страни, вклучително и со компаниите во Центарот за микро, мали и средни претпријатија при СКСМ, и на состанок во Комората беа презентирани главните наоди од истражувањето за потребите на ММСП што беше спроведено од декември 2024 до март 2025 година во рамките на „Зелен бизнис-центар“ − Проект за техничка помош.
– Дополнително ќе биде организирана дискусиска сесија во врска со мерките и со активностите што треба да ги спроведе проектот преку надлежните државни институции во следниот период поврзани со зелениот бизнис-
-центар и со услугите што треба да бидат обезбедени за поддршка на бизнисот.
2. АКТИВНОСТИ НА РЕГИОНАЛНО НИВО
За потребите на ММСП, Комората е активна и на регионално ниво. На тема Отворени за бизнис (Open4Business): Зајакнување на ММСП во Западен Балкан − Патот кон ЕУ, Стопанската комора на Северна Mакедонија, како членка на Европската мрежа за претприемништво (ЕЕН), во соработка со Стопанската комора на Србија, со Генералниот директорат на Европската комисија за проширување и источно соседство (DG ENEST) и со Европската мрежа за претприемништво минатиот месец (април 2025 година) во Белград организираа регионален деловен настан.
Целта на настанот беше да се поттикнат инвестициите во Западен Балкан преку:
• Информирање на микро, на мали и на средни претпријатија (ММСП) за можностите за финансирање со поддршка на Инвестициската рамка за Западен Балкан (WBIF).
• Поврзување на компании од Западен Балкан со Европската Унија и со финансиски институции.
• Размена на информации меѓу компании од регионот на Западен Балкан и компании од ЕУ, како и меѓу јавните институции за политиките и за предизвиците во бизнисот.
Учесниците имаа можност да се запознаат со поддршката на Инвестициската рамка за Западен Балкан (WBIF) за програмите и за поттикнување инвестиции од европски компании во форма на заеми, на капитал, на техничка помош и на советодавни услуги достапни преку финансиските институции. Финансиските институции и компании меѓусебно на панел-сесии споделија практични искуства, а претставници на стопанските комори зборуваа за можностите и за предизвиците за интеграција во регионалните и во европските синџири на вредности. Вториот дел од настанот беше посветен на можностите за деловно вмрежување (matchmaking).
Центарот за микро, мали и средни претпријатија во рамките на Комората на домашен план ќе ја следи и предложената Програма за развој на претприемништвото и конкурентноста на малите и на средните претпријатија за 2025 година, усвоена од страна на Владата на РСМ, а која се имплементира преку Министерството за економија со определен буџет на средства преку пет предложени и дефинирани мерки. Фокусот согласно светските трендови за поддршка на оваа група компании треба да биде на: управување со ризици и планирање; финансиски менаџмент и анализа, алатки за евалуација на финансиската состојба и подобрување на донесувањето одлуки; оценка на бизнисот и рамки за инвестициски одлуки и теми за ЕСГ (ESG), односно разбирање на регулаторното влијание на стандардите за животна средина, за општество и за управување.