Бизнис
СПОРЕД ЦЕНАТА НА СТАНОВИТЕ МИНХЕН Е НА ПРВО МЕСТО МЕЃУ ЕВРОПСКИТЕ ГРАДОВИ
22.05.2025
Три германски града се меѓу петте најскапи европски метрополи за купување станови и куќи, а тоа се Хамбург, Минхен и Берлин, објави мрежата на агенции за недвижности „Ремакс“, која ги анализираше цените на недвижностите во осум европски земји.
Во Минхен, просечната цена по квадратен метар на стан е 9.965 евра, а за куќи 9.411 евра, што го прави апсолутен шампион.
Второто место ѝ припаѓа на Виена, но со значително пониски цени: становите чинат во просек 6.762 евра за квадратен метар, а куќите чинат 6.778 евра за квадратен метар.
Во Берлин, просечната цена на стан е 6.278 евра за квадратен метар, а 5.354 евра за куќа.
Во Хамбург становите се продаваат за 6.124 евра, а куќите за 6.038 евра за квадратен метар.
Петтото место го делат Мадрид (станови: 5.221 евра/м²) и Линц (куќи: 4.796 евра/м²), пренесува Феникс.