Бизнис
СЕ БАРААТ БЕРАЧИ НА МАЛИНИ ЗА ДНЕВНИЦИ СО НАД 50 ЕВРА
22.05.2025
Сезоната на берење малини во Србија официјално започнува за неколку недели, одгледувачите на малини веќе бараат берачи, преку огласи на социјалните мрежи и портали.
Одгледувачите на малини во Србија се мачат да најдат работна сила веќе неколку сезони. Поради недостаток на работна сила, сопственикот и членовите на домаќинството им се придружуваат на берачите. Многу сопственици на овоштарници нудат повисоки дневни плати со цел да привлечат работници.
- Дневницата за берење малини многу се зголеми во последните неколку години бидејќи се помалку луѓе работат ваков вид работа. Ни беше обезбедено сместување и храна, а условите за работа беа сосема коректни. Имавме многу паузи, и за кафе и за одмор, вели студентката Андријана Брадиќ.
Според огласите, оваа година дневницата за берачите на малини се движи од 3.000 до 6.000 динари (од 25 до 50 евра). Сепак, не сите берачи ќе бидат платени исто. Одгледувачите на малини нудат дневница, но таа се заработува врз основа на учинокот, во зависност од тоа колку килограми малини ќе наберат работниците. Исто така, платата може да варира во зависност од бенефициите што ги нуди работодавачот, на пример, ако тие нудат храна и сместување, тогаш по договор може да биде малку пониска, пренесува Б92.
Извор МИА
фото freepic