Бизнис
ОТКУПОТ И ПРОДАЖБАТА НА ЗЕМЈОДЕЛСКИТЕ ПРОИЗВОДИ СЕ НАМАЛЕНИ ЗА 42 ОТСТО
16.05.2025
Oткупот и продажбата на земјоделските производи во првото тримесечје од 2025 година изнесуваат 5,7 милијарди денари, соопшти Државниот завод за статистика.
Откупот и продажбата во првото тримесечје од 2025 година во однос на истиот период од претходната година се намалени за 42 %.
Во првото тримесечје од 2025 година, кај откупот на земјоделски производи од индивидуалните производители е забележано намалување за 50,6 отсто, а кај продажбата на земјоделски производи од сопствено производство e регистрирано зголемување за 6,4 проценти.
Во првиот квартал годинава откупени се 100 тони домати, а во истиот период лани 194 тони.
Од јануари до март годинава се откупени 163 илјади тони млеко, а во истиот период лани биле откупени 159 илјади тони.