Бизнис
ЗГОЛЕМЕНА НЕВРАБОТЕНОСТ ВО ФРАНЦИЈА
16.05.2025
Стапката на невработеност во Франција малку се зголеми од 7,3 проценти во последните три месеци од минатата година на 7,4 проценти во првиот квартал од 2025 година, објави Националниот институт за статистика и економски истражувања.
Бројот на невработени во Франција се зголеми за 64.000 во споредба со последниот квартал од 2024 година, објавува Фигаро.
Во возрасната категорија од 15 до 24 години, стапката на невработеност во првите три месеци од 2025 година изнесува 19,2 проценти, што е за 0,1 процент повисока во однос на претходниот квартал и за 1,1 процент повисока во однос на првиот квартал од 2024 година.
фото freepic