Бизнис
Швајцарска фармацевтска компанија „Ронтис“ ќе инвестира во Македонија десетици милиони евра
11.05.2025
Швајцарската фармацевтска компанија „Ронтис“ ќе инвестира десетици милиони евра во Македонија што ќе резултира со отворање на повеќе од 500 работни места, изјави денеска претседателот на Владата, Христијан Мицкоски, по увидот на градежните активности на проектот изградба на детска градинка во населено место Инџиково, во Општина Гази Баба.
– Приоритет на оваа Влада се инвестиции и отворање нови работни места, а можам да кажам дека веќе имаме потврда од швајцарска фармацевтска компанија „Ронтис“, која што ќе инвестира во Македонија неколку десетици милиони евра за повеќе од 500 вработени, добро платени вработени, тоа е само низа од убавите вести за македонските граѓани кои што ги соопштуваме изминатиов период, рече Мицкоски.
Извор МИА