Бизнис
БРОЈОТ НА СТЕЧАИ ВО ЗАПАДНА ЕВРОПА Е НАЈВИСОК ОД 2013 ГОДИНА
07.05.2025
Бројот на банкроти во Западна Европа минатата година беше најголем од 2013 година, а бројот на барања за стечајна постапка поднеле 190.449 компании.
- Три години економска стагнација и рецесија се одрази на Германија и на цела Европа, рече Патрик-Лудвиг Ханч, директор за истражување ревизорската агенција во „Кредитреформ“.
Во 2021 година пропаднаа 112.686 компании, додека бројот на банкроти во Западна Европа се зголеми за речиси 70 проценти до 2024 година.
Причините за растечкиот тренд на стечаите се последиците од пандемијата, скокот на цените на енергијата, падот на побарувачката и геополитичката неизвесност.
Повеќе од една третина од банкротите во регионот се регистрирани во Франција (66.088), што е за 17,4 проценти повеќе во однос на претходната година.
Највисока стапка на раст на бројот на банкроти пријавија: Грција (од 42,5 проценти), Ирска со 32 проценти и Холандија со 31,7 проценти. Сепак, во овие земји, апсолутниот број на банкроти беше помал, пренесува Б92.
фото freepic