Бизнис
ШПАНСКАТА ВЛАДА ПРЕДЛОЖИ СКРАТУВАЊЕ НА РАБОТНАТА НЕДЕЛА
07.05.2025
Владата на Шпанија вчера го донесе законот за општо скратување на работната недела од 40 на 37,5 часа.
Дванаесет и пол милиони работници во приватниот сектор со полно и скратено работно време ќе имаат корист од скратувањето на работната недела и се очекува компаниите дека ќе ја зголемат продуктивноста и ќе го намалат отсуството од работа, објави Министерството за труд.
- Денес го модернизираме светот на работата и им помагаме на луѓето да бидат посреќни, рече министерката за труд Јоланда Дијаз.
Намалувањето, кое веќе важи во државните служби и во некои сектори од економијата, првенствено ќе им користи на вработените во малопродажбата, производството, угостителството и градежништвото, рече таа.
Во Парламентот што треба да гласа за тој закон, владејачката левичарска коалиција нема доволно гласови за него. Главните синдикати го поддржуваат предлогот, но не и деловните здруженија, пренесува Н1.
фото freepic