Бизнис
ЕКСПРЕСНИТЕ ПРАТКИ ВО СРБИЈА СЕ ДОСТАВУВААТ ЗА ЕДЕН ДЕН!
06.05.2025
Просечното време на пренос на експресни пратки во Србија е 1,21 ден, објави денеска Регулаторното тело за електронски комуникации и поштенски услуги (РАТЕЛ), според компаративното мерење и анализа (бенчмаркинг) на параметрите за квалитет на поштенските експресни услуги.
Споредбеното мерење, кое беше спроведено во периодот од октомври до декември 2024 година кај пет поштенски оператори, покажа дека просечното време потребно за воспоставување комуникација со операторот на кол-центарот при барање за подигање пратка на адреса е една минута и 25 секунди, додека просечното време од поднесување на барање за подигање пратка до пристигнувањето на курирот на адресата е четири часа и 23 минути.
Исто така, 24,19 проценти од барањата за подигнување на пратки не биле реализирани (отфрлени веднаш при повик во кол-центарот или курирот не дошол да ја подигне пратката), 83,31 процент од пратките биле доставени во рок од еден ден, 0,59 проценти од пратките имале време на пренос повеќе од пет дена, додека 0,26 проценти од пратките биле изгубени, а 0,99 проценти од пратките останале неиспорачани, по различни основи, од кои повеќето биле вратени на испраќачите, пренесува Данас.
фото freepic