Бизнис
Угостителските услуги во април поскапи за 4,4 отсто, а ноќевањата за 8 отсто
06.05.2025
Цените на угостителските услуги во април годинава се зголемени за 0,1 отсто во однос на претходниот месец, а за 4,4 отсто споредено со април лани, објави денеска Државниот завод за статистика.
Цените на храната во угостителството, во април 2025 година во однос на април 2024 година се зголемени за 3 отсто, кај алкохолни пијалаци 4,9 отсто и кај безалкохолни пијалаци за 4,6 отсто. Во истиот период ноќевањата поскапеле за осум отсто.
ДЗС соопшти дека кумулативниот индекс на цените на угостителските услуги во периодот јануари – април годинава во однос на истиот период од минатата година е 105,8, додека во однос на декември 2024 година е 101,0.