Бизнис

ВО БУГАРИЈА ЦЕНИТЕ ЌЕ БИДАТ ПРИКАЖУВАНИ ВО ЛЕВОВИ И ВО ЕВРА!

Од јули сите трговци на мало во Бугарија ќе бидат обврзани да ги прикажуваат цените и во левови и во евра.  Оваа мерка ја потврди заменик-министерот за економија Николај Павлов во  интервју за Бугарското национално радио.

Преминување на двојно прикажување на цените е дел од пошироките подготовки за планираното усвојување на еврото од страна на Бугарија, со официјален датум поставен на 1 јануари 2026 година. Властите очекуваат дека поволна одлука за влез на Бугарија во еврозоната ќе биде донесена  на почетокот на јуни.

Павлов нагласи дека конверзијата мора да се базира на фиксен девизен курс од 1,95583 лева за едно евро.

Според барањата, обете валути мора да бидат јасно и прецизно претставени на сите ценовници, при што ниту едната не треба да биде визуелно истакната во однос на другата.

Законските обврски за трговците во Бугарија  се наведени во Законот за воведување на еврото, пренесува Б92.


фото freepic  

ПРЕПОРАЧАНО

Најчитано