Lifestyle
ТРАМП ВОВЕДУВА 100 ОТСТО ЦАРИНИ ЗА ФИЛМОВИТЕ ОД СТРАНСТВО!
05.05.2025
Американскиот претседател Доналд Трамп објави дека планира да воведе 100-процентни царини на сите филмови произведени надвор од Соединетите Американски Држави и увезени на американскиот пазар.
- Филмската индустрија во Америка многу брзо умира. Други земји нудат секакви стимулации за да ги намамат нашите филмски работници и студија надвор од Соединетите Американски Држави. Холивуд и многу други делови од САД се уништени. Ова е организиран напад од други земји и затоа претставува закана за националната безбедност, напиша Трамп на својата социјална мрежа.
Претседателот на САД соопшти дека ги овластува Министерството за трговија и Канцеларијата на трговскиот претставник на САД веднаш да го започнат процесот на воведување 100-процентна царина на сите филмови што влегуваат во нашата земја, а се продуцирани во странство.
Според податоците од Бирото за економски анализи (BEA), во 2024 година САД увезле аудиовизуелни услуги во вредност од околу 15 милијарди долари, додека прелиминарните резултати за првиот квартал од 2025 година покажаа увоз од 3,8 милијарди долари, пренесува Индекс.хр.
фото freepic