Бизнис
МНОЗИНСТВОТО ЕВРОПЕЈЦИ СЕ ПОДГОТВЕНИ ЗА АЛТЕРНАТИВИ ЗА АМЕРИКАНСКИТЕ ПРОИЗВОДИ
03.05.2025
Граѓаните на еврозоната би биле подготвени да бараат алтернативи за американските производи доколку САД воведат царини за производи од Европската Унија, покажува истражување на Европската централна банка (ЕЦБ).
Во март, како дел од редовното месечно истражување за очекувањата, ЕЦБ постави прашања на 19.000 граѓани на еврозоната „до кој степен би биле спремни да купуваат други производи наместо американски“ доколку САД воведат царини за увоз од ЕУ, а Унијата возврати.
- Резултатите покажуваат дека потрошувачите се многу подготвени да се оддалечат од американските производи и услуги, заклучуваат авторите на анкетата на ЕЦБ.
На скала од нула до 100, почнувајќи од „не сум подготвен/а“ до „многу подготвен/а“, средниот одговор од клиентите беше 80, велат авторите.
Околу 44 проценти од испитаниците посочиле дека би купиле алтернативни производи, без разлика дали царината е пет, десет или 30 проценти, бидејќи тоа едноставно би им дало предност. За 38,1 отсто од анкетираните мотивот за купување на други производи би била цената, пренесува Сеебиз.
фото freepic