Бизнис
ЗА ДА ИЗБЕГНЕ ЦАРИНСКА ВОЈНА ЕУ БИ КУПУВАЛА АМЕРИКАНСКА СТОКА ЗА 50 МИЛИЈАРДИ ДОЛАРИ
02.05.2025
Европската Унија е подготвена да ja зголеми вредноста за купување на американски стоки за 50 милијарди долари за да избегне трговска војна, односно стапување во сила на царините воведени од американскиот претседател Доналд Трамп, откри Марош Шефчовиќ, еврокомесарот за трговија.
Како што истакна Шефчовиќ во изјава за Фајненшл тајмс, овој договор би бил валиден само ако Трамп ги откаже царините што ги објави за стоки увезени во САД од ЕУ.
Шефчовиќ рече дека клучниот аргумент што им го презентирал на американскиот трговски претставник Џејмисон Грир и министерот за трговија Хауард Лутник бил да се земе предвид извозот на услуги од САД во ЕУ, што би го намалило вкупниот трговски дефицит со Европа на само околу 50 милијарди евра.
Овој договор најбрзо би се заклучил со купување повеќе американски гас и земјоделски производи.
- Ако она што го гледаме како проблем е дефицит од 50 милијарди евра, верувам дека навистина можеме многу брзо да го решиме тој проблем со купување на течен природен гас, некои земјоделски производи како соја или во други области, рече Шефчовиќ.
Сепак, тој предупреди дека ќе биде „многу тешко“ да се постигне договор што би бил „добар и јасно прифатлив за земјите членки и за Европскиот парламент“.
На прашањето дали би прифатил царина од 10 проценти како почетна точка во трговските разговори, Шефчовиќ рече дека ЕУ смета дека тоа е „многу висока стапка“, што укажува дека блокот нема да се согласи на договор што би ги задржал царините на тоа ниво, пренесува Сеебиз.
фото freepic