Бизнис
КОЛКУ ИЗНЕСУВА ПРОСЕЧНАТА ПЛАТА ВО ЕУ ПО ЧАС?
02.05.2025
Во текот на 2024 година, цената на работната сила по час во земјите од Европската Унија се движеше од 10,6 евра во Бугарија до 55,2 евра во Луксембург. Според податоците на Евростат, просечната плата по час во ЕУ изнесувала 33,5 евра.
Највисоката плата по час се исплаќа во Луксембург - 55,2 евра, Данска со 50,1 евра, Белгија 48,2, Холандија 45,2, Австрија 44,5, Франција 43,7, Германија 43,4, Ирска 42,5 евра. На 10-то место е Шведска со 40,3. Со 37,7 евра, Финска е последната земја чија часовна плата е повисока од просекот на ЕУ од 33,5.
Во Италија (30,9) и Словенија (27,1) и во 13 земји од ЕУ еден работен час се плаќа под 20 евра. Последните три места ги заземаат Унгарија 14,1, Романија 12,5 и Бугарија 10,6 евра. Во Грција и Хрватска се плаќа по 16,7 и 16,5 евра.
Како и во претходните години, земјите од Централна, Источна и Јужна Европа имаат најниски трошоци за работна сила и нивоа на плати.
Платата за еден час работа во Србија, според оваа пресметка, изнесува 11,4 евра, пренесува Н1.
фото freepic