Бизнис
САД СЕ СООЧУВА СО ТРГОВСКИОТ КОНФЛИКТ СО КИНА, КОНТЕЈНЕРСКИОТ ТРАНСПОРТ НАМАЛЕН ЗА ЕДНА ТРЕТИНА
29.04.2025
Трговскиот конфликт меѓу администрацијата на претседателот на САД, Доналд Трамп, и Кина го намали прометот со стоки во американските пристаништа и влијае врз американската економија, јави синоќа „Фајненшл тајмс“.
Според изданието, операторите на контејнерски пристаништа и менаџерите за авио-превоз забележуваат нагло намалување на испораките од Кина. Бројот на нарачки опаѓа бидејќи увозниците ги одложуваат испораките во надеж на договор меѓу Пекинг и Вашингтон.
По воведените царини од 145 отсто за увоз на кинески стоки, логистичките компании јавуваат за значително намалување на побарувачката за контејнери. Пристаништето во Лос Анџелес очекува испораките во првата недела од мај да се намалат за една третина споредбено со лани. Сличен пад бележат и авио-превозниците, а според Vizion, нарачките за стандардни контејнери од Кина се намалени за 45 отсто.
Џон Дентон, генерален секретар на Меѓународната трговска комора, изјави дека трговските нарушувања ги тераат трговците да одложат донесување одлуки очекувајќи намалување на царините. Тој предупреди дека поради овие царини, пристапот до американскиот пазар може да стане најскап од 1930-тите години досега.
На почеткот на април, Трамп најави воведување универзални и индивидуални царини за увоз од 185 држави и територии. Универзалната царина од 10 отсто стапи во сила на 5 април, а индивидуалните на 9 април. Дел од дополнителните царини се замрзнати за 90 дена поради тековни трговски преговори.
Кина на 12 април одговори си зголемини царините за увоз на американските стоки до 125 отсто.
Американскиот министер за финансии, Скот Бесант, денеска ја префрли одговорноста на Кина за постигнување трговски договор со САД, велејќи дека Пекинг е должен да ги деескалира трговските тензии.
- Верувам дека Кина треба да го стори тоа бидејќи тие ни продаваат пет пати повеќе стоки отколку ние ним, па затоа тие царини од 120 и 145 проценти се неодржливи, изјави Бесент за телевизиската мрежа Си-Ен-Би-Си.
Неговата изјава доаѓа додека на пазарите владее напнатост околу тоа во кој правец ќе се движат царините, откако претседателот Доналд Трамп на 2 април го објави воведувањето глобални тарифи.
Една недела подоцна тој рече дека царините од 10 проценти ќе останат на сила, додека воведувањето повисоки давачки ќе биде одложено за 90 дена.
Според Бесант, САД оттогаш постигнаа напредок во преговорите, а тој посебно ја истакна Индија како земја со која во следните денови може да се постигне потенцијален договор.
Бесент додаде дека се во тек преговори со уште 15 до 18 важни трговски партнери.
- Многу земји изнесоа некои многу добри предлози кои сега ги оценуваме, рече американскиот министер за финансии.
Тој, исто така, рече дека европските земји сега веројатно паничат поради силното евро во однос на американскиот долар, бидејќи нивната валута се зајакна за речиси 10 проценти од почетокот на трговските тензии.
- Ќе видите дека Европската централна банка сега ќе почне да ги намалува каматните стапки за да се обиде да ја намали вредноста на еврото. Европејците не сакаат силно евро, додека САД имаат политика на силен долар, рече Бесент.
Кога станува збор за преговорите со Кина, Трамп минатата недела изјави дека преговара со кинески претставници кои беа во посета на Вашингтон.
Според други извештаи, меѓутоа, немало разговори бидејќи кинеските претставници беа во Вашингтон на состаноци на ММФ и Светска банка.
Извор МИА
фото freepic