Бизнис
СРБИЈА УВЕЗУВА ПОВЕЌЕ ДОМАТИ ОД ЕГИПЕТ ОТКОЛКУ ОД МАКЕДОНИЈА!
25.04.2025
Во првите два месеци од оваа година, во Србија се увезени повеќе од 19.000 тони ран зеленчук, за што се исплатени повеќе од 18 милиони евра.
Младиот компир кој во маркетите и на пазарите во Србија се продаваше од 500 динари, а се искачи до 1.000, најмногу се увезуваше од Германија ( 2.977 тони) и од Франција (2.158 тони).
Свеж кромид во Србија најмногу пристигна од Холандија (604 тони) и од Молдавија, 112 тони. Овој зеленчук се увезува и од Кина и Перу.
Од Македонија биле увезени 11 тони домати, а од Турција 2.291 тони. Во јануари и февруари годинава триесет тони домати биле увезени од Египет.
Трговците во Србија најмногу карфиол купиле од Италија (369 тони), по што следуваат 262 тони од Шпанија. Свежите краставици се увезуваат главно од Грција, Албанија и Шпанија.
Еден килограм лубеница во Србија чини повеќе од 300 динари и таа се увезува од Бразил. Од оваа земја во првите два месеци од оваа година „пристигнале“ 12 тони лубеници. Лубениците се увезувале и од Перу и Костарика, Мавританија и Шпанија, пренесува Курир.