Бизнис
ЦРНА ГОРА ГИ ИЗДАВА ПОД ЗАКУП ДВАТА АЕРОДРОМА
24.04.2025
Владата на Црна Гора ја спроведува тендерската постапка за издавање под закуп на два аеродрома, во Тиват и Подгорица, преку концесија за период од 30 години.
Од синдикалните организации се спротивставуваат на оваа одлука и бараат граѓаните да одлучат за судбината на аеродромот на референдум.
Тендерската постапка за концесијата ја започна Владата во декември 2024 година, според која тројца заинтересирани понудувачи имаат рок до 9 мај да ги достават своите понуди.
Црна Гора има вкупно два меѓународни патнички аеродроми: во Тиват и во Подгорица, кои работат во рамките на државното претпријатие „Аеродроми Црне Горе“.
Компанијата минатата година ја заврши со добивка од речиси 11 милиони евра, а во 2023 година оствари нето добивка од 10 милиони.
Според Владата, на аеродромите им е потребна модернизација и нови инвестиции поради развојот на компаниите и развојот на црногорскиот туризам, пренесува РСЕ.
фото freepic