Бизнис
СЛОВЕНИЈА СО НАЈГОЛЕМ ПАД ВО ГРАДЕЖНИШТВОТО
24.04.2025
Производството во градежништвото во земјите од еврозоната во февруари се зголемило за 0,2 проценти на годишно ниво, додека на месечно ниво се намалило за 0,5 проценти, објави Евростат.
Во Европската Унија, сезонски прилагоденото производство во градежната индустрија се зголеми за 0,3 проценти на годишна основа, а се намали за 0,4 проценти на месечна основа.
Највисок годишен раст на производството во градежништвото е забележан во Бугарија од 7,4 отсто, во Италија од шест проценти и Финска од 5,5 проценти.
Најголем годишен пад е регистриран во Словенија од 10,8 проценти, Германија од 5,3 проценти и Унгарија од 4,1 процент.
Највисок месечен раст на производството во градежништвото е регистриран во Португалија од 2,9 проценти, Франција од 1,5 проценти и Шведска од 1,3 проценти, а најголем месечен пад во Словенија од 4 проценти, Германија од 3,2 проценти и Полска од 2,3 проценти, пренесува Телеграф.