Бизнис
ХОЛАНДИЈА Е ЕВРОПСКИ ЛИДЕР ВО ИЗВОЗОТ НА ХРАНА
23.04.2025
Со минатогодишен извоз на храна во вредност од 803 евра по глава на жител Хрватска е на дното на листата на европски земји, додека европскиот лидер е Холандија со над шест илјади евра извоз на храна по жител, покажува анализата која е објавена од Економскиот институт Загреб (ЕИЗ).
Во последните 20 години Европската Унија бележи континуиран раст во трговијата со храна. Од 2005 до 2024 година извозот на храна годишно се зголемува просечно за 5,7 проценти , а увозот за 5,4 проценти.
Од 2010 година, извозот на храна од Унијата е поголем од увозот и овој трговски суфицит постепено се зголемува. Во 2024 година извозот на храна достигна вредност од 585,4 милијарди евра, со остварен суфицит од 21,9 милијарди евра.
Меѓу европските земји, најголем извозник на храна, мерено според апсолутната вредност на извозот, моментално е Холандија, чиј извоз минатата година достигна вредност од 109,7 милијарди евра. Следуваат Германија со извоз од 80,6 милијарди евра, Шпанија со 66,5 милијарди евра, Франција со 57,5 милијарди евра и Италија со 52,5 милијарди евра.
Во 2024 година Холандија извезла земјоделски и прехранбени производи во вредност од 6.121 евра по жител, Данска 3.470 евра, Белгија 3.352 евра и Ирска 2.778 евра, пренесува Пословни дневник.
Успехот на Холандија во производството на храна, според анализата, се должи на стратегијата за развој, квалитетните човечки ресурси, нивото на развој на целокупната економија, добрата организација, достапноста на природните ресурси и примената на софистицирани технолошки решенија.
Во 1990-тите, Холандија започна програма за дигитализација на земјоделството под слоганот „двојно повеќе храна со двојно поголема количина на искористени ресурси“. Со примена и на други технолошки достигнувања, денес оваа земја има едбо од најразвиените земјоделски производства во светот.