Бизнис
ДНЕВНИЦА ОД СТО ЕВРА ЗА ЧИСТЕЊЕ НА ТУРИСТИЧКИ АПАРТМАНИ!
22.04.2025
Цената за чистење на апартмани и станови за изнајмување на хрватското приморје достигна 20 евра за еден час, но тешко се наоѓаат слободни работници за оваа туристичка сезона. Во Сплит веќе е утврдена цената за чистење од 15 евра на час.
Минатата година цената за потешки работни места во поголеми и подобро опремени сместувачки капацитети достигна 20 евра. Сепак, изнајмувачите, особено оние во помалите градови на крајбрежјето и на островите каде што има недостаток на работна сила, тврдат дека цената по час за чистење веќе достигнува 25 евра на час.
Лицата кои се ангажирани за чистење често патуваат за време на викендите со автомобил, автобус или ферибот од поголемите градови до помалите места со цел брзо да заработат дневница од околу сто евра.
- Кој не е во можност да чисти сам или со своето семејство има големи проблеми. Невозможно е да се најде жена за сезоната. Не е ни прашање на цена, едноставно нема слободни работници. Сите се веќе вработени, вели С. Ј., сопственик на неколку станови во близина на Омиш.
За изнајмувачите на вили, работата за чистење е уште покомплицирана, бидејќи се потребни повеќе работници за темелно чистење на објектите, особено кога гостите се менуваат истиот ден. Ваквата работа, која бара ефикасност и брзина, може да донесе заработка до стотици евра дневно, со оглед на тоа што хигиената е клучна за задоволството на гостите, а тоа влијае на нивните оценки.
Сезонските работници очекуваат повисоки плати оваа година. Минатата година заработувале просечно 935 евра, а сега бараат плата од 1.500 евра.
Во Пула, каде што се бараат чистачи за вили и станови има објавени огласи со плата од 1.200 до 1.400 евра, со обезбеденo сместување. Слични понуди има и за Пореч, каде што се бараат чистачи за сезонска работа со загарантирано сместување и храна, пренесува Телеграф.
фото freepic