Бизнис
ДОСТАВУВАЧИТЕ НА ПРАТКИ ПОЧЕСТО ДАВААТ ОТКАЗ ОД ДРУГИТЕ РАБОТНИЦИ
18.04.2025
Работниците за онлајн достава во Германија имаат поголема веројатност да дадат отказ поради ниски плати и условите за работа отколку другите неквалификувани работници, покажува истражувањето на Нирнбершкиот институт за истражување на вработувањето (IAB).
IAB спроведе анкета на 2.370 вработени во 11 служби за достава, а резултатите беа споредени со одговорите на 1.017 неквалификувани работници вработени во други сектори. Истражувањето покажа генерално висок процент на флуктуација на вработени во секторот за доставување на пратки.
Во повеќето случаи, лицата кои работеле како доставувачи останувале на таа позиција помалку од една година. Повеќе од половина од вработените во услугите за достава рекле дека сами одлучиле да дадат отказ од работното место. Кај други индустрии тоа го сториле 19 проценти од работниците.
Околу 44 проценти од доставувачите ги наведоа ниските плати како главна причина за отказ, додека 41 процент ги посочија условите за работа. Ова е значително повеќе отколку кај работниците во другите сектори, меѓу кои 10 и 20 проценти ги делат ваквите ставови.
- Се чини дека има голем притисок за постигнување резултати во услугите за онлајн достава, што релативно често води до откажувања кај работниците, изјави лидерот на истражувачкиот тим Мартин Фридрих.
Перформансите на вработените за достава може да се мерат и контролираат во реално време преку паметни телефони, пренесува Телеграф.
фото freepic