Бизнис
ЕУ СО РЕКОРДЕН СУФИЦИТ ВО ТРГОВИЈАТА СО МЕДИЦИНСКИ И ФАРМАЦЕВТСКИ ПРОИЗВОДИ
14.04.2025
Европската Унија во изминатата година постигна рекордно ниво на трговски суфицит во секторот на медицински и фармацевтски производи во вкупен износ од 193,6 милијарди евра, објави денес Евростат.
Извозот на медицински и фармацевтски производи од Европската Унија во изминатата година изнесуваше 313,4 милијарди евра, достигнувајќи раст од 13,5 проценти во споредба со 2023 година, додека увозот забележа скромен раст од 0,5 проценти, во вкупен износ од 119,7 милијарди евра.
Во 2024 година, Германија беше најголемиот извозник на медицински и фармацевтски производи надвор од ЕУ (67,9 милијарди евра), следуваат Ирска (56,6 милијарди евра) и Белгија (41,4 милијарди евра). Најголеми увозници надвор од ЕУ беа Германија (23,0 милијарди евра), Белгија (21,3 милијарди евра) и Холандија (14,7 милијарди евра), пренесува Политика.
Главната дестинација за извоз на медицински и фармацевтски производи од ЕУ надвор од Унијата во 2024 година беа Соединетите Американски Држави (119,8 милијарди евра), по што следуваат Швајцарија (51,3 милијарди евра) и Обединетото Кралство (18,2 милијарди евра).
Поголемиот дел од увозот од ЕУ доаѓа од Соединетите Американски Држави (45,9 милијарди евра), Швајцарија (39,1 милијарди евра) и Обединетото Кралство (8,7 милијарди евра).
фото freepic