Бизнис
КИНА ЌЕ ГО НАМАЛУВА УВОЗОТ НА АМЕРИКАНСКИ ФИЛМОВИ
11.04.2025
Кинeските институции објавија дека „умерено“ ќе го намали бројот на американски филмови што официјално се прикажуваат на нејзина територија, што е една од контрамерките во трговската војна со САД. Американскиот претседател Доналд Трамп во среда ги заостри царините за кинескиот увоз на 125 проценти.
„Лошите практики од страна на американската влада, вклучително и злоупотребата на царините против Кина, можат само да ја намалат популарноста на американските филмови кај кинеската публика“, изјави портпаролот на Националната канцеларија за филмска уметност (CFA).
Кина годишно увезува 34 странски филмови за национална дистрибуција, од кои десет се американски, според претходно договорениот систем на квоти. Иако американските филмови веќе не се толку популарни во Кина, на филмскиот пазар се остваруваат значителни суми или 585 милиони долари во 2024 година.
Во 2024 година, најголемиот американски филмски успех во Кина беше спектаклот „Годзила x Конг: Новата империја“, кој заработи 132 милиони долари, пренесува Сеебиз.
фото freepic