Бизнис
ЦАРИНСКАТА ВОЈНА Е ЗАКАНА И ЗА ПРОИЗВОДСТВОТО НА НОВОГОДИШНИ УКРАСИ!
10.04.2025
Царинската војна меѓу САД и Кина може да го наруши и пазарот за новогодишни украси за кои американските потрошувачи издвојуваат големи средства за време на Божиќните празници. Американските трговци на мало се речиси целосно се зависни од Кина, а 87 отсто од божиќните украси, се набавуваат од оваа земја, во вредност од 4 милијарди долари.
Кинеските фабрики се исто така многу зависни од американскиот пазар, каде што продаваат половина од своето производство. Ако Американците сакаат нови божиќни украси оваа година, ќе мора да платат значително повеќе за нивно купување.
Економистите велат дека годинава трговската војна ќе го намали економскиот раст на Кина за 1-2 процентни поени, ќе го влоши проблемот со вишокот индустриски капацитет, ќе ги загрози работните места и дополнително ќе го подгрее дефлацискиот притисок.
Набавката на новогодишните украси од други земји не е опција. Вториот најголем извозник на божиќни украси во САД е Камбоџа, која произведува 5,5% од овие стоки за американскиот пазар. Но, минатата недела Трамп воведе царина од 49% за увозот од Камбоџа.
Преместувањето на производството во САД, една од целите на Трамп за воведување тарифи за Кина и речиси сите други земји во светот, не е изводливо, смета Џејми Ворнер, извршен директор на Американското здружение на трговците со новогодишни елки.
„Елките секако не можат да се произведуваат во Америка. Нема производство, технологијата не постои овде, пазарот на трудот не е подготвен“, рече Ворнер.
Очекувањата на трговците во САД се дека ќе има значително зголемување на цените и додава дека 80% од сите новогодишни елки во САД се вештачки, пренесува Блиц.