Бизнис
ШТО ГО ПРЕДИЗВИКА ПОМОРОТ НА ПЧЕЛИ ВО СРБИЈА?
09.04.2025
Годинава бројот на угинати пчели е значително поголем од очекуваното, предупредуваат пчеларите во Србија. Според нивните податоци, во Србија има околу 1,6 милиони пчеларници и околу 20.000 регистрирани пчелари.
Сушата во јули и август 2024 година ги остави пчелите без доволно полен, нивниот единствен извор на протеини. Поради недоволна храна, некои пчели умреле предвреме, а оние што преживеале биле слаби.
Научниците предупредуваат дека климатските промени водат не само до подолги периоди на летни суши, туку и до потопли зими и променета шема на врнежи, влијаат на намалувањето на бројот на пчели.
Пчеларите во Србија велат дека поради зголемувањето на јаглерод диоксидот во воздухот има помалку протеини во поленот на растенијата, а тоа го загрозува опстанокот на овие инсекти.
Денес пчелите живеат двојно пократко отколку пред 50 години, покажуваат истражувањата.
Во последните 30 години, епидемиологот Родољуб Живадиновиќ никогаш не бил сведок на толку масовна смрт на медоносни пчели како оваа пролет.
- Во просек, половина од пчелите умреле, иако има региони каде стапката на смртност е 90 проценти, вели Живадиновиќ, претседател на Здружението на пчеларски организации на Србија (СПОС), за Би-Би-Си на српски јазик.
Минатогодишната летна суша ги остави пчелите без потребната храна и немаа време да одгледаат нова генерација.Така ослабени, без доволно протеини од поленот, им било потешко да се борат со болестите кои вообичаено ги демнат, објаснува Живадиновиќ.
фото freepic