Бизнис
ПРИСТАНИШТАТА ВО САД И ГЕРМАНИЈА „ПРЕПОЛНИ“ СО АВТОМОБИЛИ
09.04.2025
Производителите на автомобили држат илјадници возила на американските пристаништа и привремено ги запираат испораките, бидејќи се обидуваат да ги ублажат ефектите од ескалацијата на трговската војна која ја започна претседателот на САД Доналд Трамп.
- Последните денови некои производители почнаа да го одложуваат влегувањето на нивните производи во САД, изјавија тројца директори во логистичкиот и автомобилскиот сектор за Фајненшл тајмс
Еден од нив предупреди дека натрупувањето на увезените возила на американските пристаништа може да биде „прилично грдо“, доколку американските тарифи не се ублажат поради конфузијата околу тоа како ќе се применуваат мерките.
- Се приближуваме до капацитетот во некои пристаништа, рече еден директор за логистика.
Некои автомобилски производители ги прекинаа или минимизираа испораките во САД за април.
Во Германија, Бремерхавен, во едно од најголемите пристаништа за транспорт на автомобили во светот, очекуваат да изгубат до 50 отсто од испораките на возила до и од САД, која сочинува нешто помалку од една третина од вкупниот транспорт на автомобили, пренесува Свијет.хр.
фото freepic