Бизнис
ТУРИСТИТЕ ОД КАНАДА, ДАНСКА И КИНА ЈА „ЗАОБИКОЛУВААТ“ АМЕРИКА ОД ПОЧЕТОКОТ НА ГОДИНАТА!
08.04.2025
Промените во надворешната дипломатија и воведувањето на царините на увоз по реизборот на Доналд Трамп за претседател на Соединетите Американски Држави , почнуваат да влијаат и на желбата на туристите да ги посетат САД, пишува лондонски Индипендент.
Компанијата Tourism Economics соопшти дека очекува бројот на луѓе кои доаѓаат во САД од странство да се намали за 9,4 отсто оваа година. Тоа е речиси двојно повеќе од намалувањето од пет проценти што беше предвиден на крајот на февруари. Туристите ги откажуваат патувањата во САД и се одлучуваат за други дестинации.
Очекувањата за годинава се дека посетите од туристите од Канада да се намали за 20 отсто, што нагло ќе се почувствува во пограничните држави како Њујорк и Мичиген, но и во популарните туристички дестинации како Калифорнија, Невада и Флорида.
Американската туристичка асоцијација го вклучи алармот, нивните прогнози во февруари се застрашувачки и предвидуваат пад од 10 отсто на патувањата од Канада. Тоа може да значи помалку од два милиона посети, 2,1 милијарди долари изгубени трошоци и 14.000 работни места.
На своето годишно собрание на акционери кон крајот на март, „Ер Канада“ соопшти дека резервациите во САД се намалени за 10 отсто во периодот април-септември во споредба со истиот период пред една година, пренесува Тајм. Ер Канада веќе го намалува бројот на летови до САД поради намалениот интерес на патниците. А во февруари податоците бележат намалување од цели 23 отсто, а најзагрижена е Туристичката организација на Њујорк.
Се очекува странските посетители да потрошат милијарди долари помалку во САД во споредба со 2024 година, кога меѓународниот туризам во земјата порасна за 9,1 отсто.
Вкупните загуби од намалениот туристички промет во САД се проценуваат на дури 64 милијарди долари во 2025 година.
Посетите од Кина се намалени за 11 отсто, од африканските земји за девет отсто, од другите делови на Азија за седум отсто и Централна Америка за шест отсто. Минатата година, околу 1,6 милиони посетители од Кина дојдоа во САД, што е зголемување од 2023 година, но сепак значително помалку од 2,83 милиони што ги посетија во 2019 година, пренесува Бизнис.рс.
Минатата година, САД се трета најпосетувана земја во светот кога станува збор за меѓународни пристигнувања, со околу 80 милиони посети од странци, зад Франција, која е на прво место со 100 милиони посетители и Шпанија со 94 милиони.
фото freepic