Бизнис
ЈАПОНСКИТЕ ДОМАЌИНСТВА ЛАНИ КУПУВАЛЕ ПОВЕЌЕ ОРИЗ
22.03.2025
Домаќинствата во Јапонија минатата година купувале повеќе ориз за 6,3 отсто во однос на 2023 година, и покрај зголемените цени, покажаа податоците на јапонската влада.
Порастот на количината на ориз купен од домаќинствата со две или повеќе лица беше забалежан во 2020 година, кога побарувачката се зголеми бидејќи голем број потрошувачи останаа дома за време на пандемијата на Ковид-19.
Количината на откупен ориз по домаќинство лани достигна 60,20 килограми, што е за 3,55 килограми повеќе од 2023 година, покажува анализата на податоците за потрошувачката на граѓаните на Министерството за внатрешни работи и врски.
Потрошувачите се загрижени за недостигот на ориз поради долготрајните очекувања за продолжени зголемувања на цените, што веројатно ги натера да складираат залихи додека јапонските домаќинства се борат да најдат алтернативна храна, велат аналитичарите.
Во обид да спречи скок на цените на оризот, владата во Токио во февруари одлучи да ослободи до 210.000 тони од залихите, пренесува Еуроњуз.
фото freepic