Бизнис
ВО ХРВАТСКА РЕАЛЕН РАСТ НА ПРОСЕЧНАТА ПЛАТА ЗА ОСУМ ОТСТО
20.03.2025
Просечната јануарска нето плата во Хрватска изнесувала 1.392 евра, што е номинално повисока за 2,3 отсто, а реално за 2,2 отсто во однос на декември минатата година, објави денеска хрватскиот Централен завод за статистика.
На годишна основа, просечната хрватска нето плата е номинално повисока за 12,3 отсто, а реално за осум отсто, во однос на јануари 2024 година.
Највисока просечна месечна нето-плата по вработен за јануари 2025 година е исплатена во секторот авиосообраќај и изнесува 2.184 евра.
Најниската просечна нето плата во Хрватска во јануари е регистрирана во производството на облека и изнесува 919 евра.
Медијалната нето плата во Хрватска за јануари изнесувала 1.200 евра, што значи дека половина од вработените во Хрватска заработуваат помалку од споменатата сума.
Хрватската медијална плата е зголемена за 13,3 отсто во однос на јануари 2024 година, пренесува Б92.
фото freepic