Бизнис
ОКОЛУ 40.000 ЛИЦА ВО ХРВАТСКА ГО ИСКОРИСТИЛЕ ПРАВОТО НА ТАТКОВСКО ОТСУСТВО
19.03.2025
Од воведувањето на татковското отсуство во август 2022 година до 2024 година, во Хрватска ова право го искористиле 39.079 татковци, а во моментов го користат повеќе од 1.500, соопштија во средата Министерството за демографија и имиграција по повод Денот на татковците.
Татковското отсуство е непреносливо право на таткото и може да се искористи во првите 6 месеци од животот на детето токму за да се врзат таткото и детето уште на рана возраст. За време на татковското отсуство татковците добиваат целосен надоместок за плата што го обезбедува државата.
- Денот на татковците е можност дополнително да се подигне свеста за важноста на улогата на таткото во воспитувањето на децата и да се промовира еднаквото родителство, рече министерот за демографија и емиграција Иван Шипиќ.
Со измените на Законот за породилни и родителски надоместоци кои стапија на сила на 1 март годинава се продолжи татковското отсуство од десет на 20 работни дена за раѓање на едно дете и од 20 на 30 работни дена за раѓање на близнаци или повеќе деца.
Родителското отсуство до првата година од животот на детето подеднакво им се доделува на родителите по принципот четири месеци за таткото, четири месеци за мајката. Два месеци може да префрли еден родител на другиот родител - татко на мајка или мајка на татко. Преостанатиот - непренослив - дел од родителското отсуство татковците ќе можат да го користат до 8-мата година од животот на детето, пренесува Пословни дневник.
фото freepic