Бизнис
ОРБАН ДОНЕСЕ УРЕДБА ЗА КОНТРОЛА НА ЦЕНИТЕ НА ХРАНАТА ПОРАДИ ВИСОКАТА ИНФЛАЦИЈА
18.03.2025
Во Унгарија стапија на сила мерките за ограничување на цените на храната што ги воведе премиерот Виктор Орбан, откако инфлацијата во земјата достигна највисоко ниво во земјите од Европската Унија.
Под притисокот на високата инфлација и слабите изгледи за заздравување на економијата, Орбан најави големо намалување на даноците за мајките и ја ограничини горната граница на маржите на малопродажните цени за 30 групи на прехранбени производи.
- Доколку се забележи дека трговските синџири не се придржуваат на уредбата, нејзината важност ќе биде проширена на сите категории на храна, соопштија од Министерството за економија во Унгарија.
Унгарија има најголем инфлаторен скок од сите 27 држави во ЕУ, а високите цени ги засегаат мнозинството од граѓаните. Официјалните податоци покажуваат дека цените на храната се зголемени за 7,1 отсто за една година. Годината инфлација во јануари во Унгарија изнесуваше 5,7 отсто и е за двапати повисока од просекот во Унијата од 2,8 отсто, пренесува Политика.