Бизнис
ВИСОК СКОК НА „БАЛКОНСКИТЕ“ СОЛАРНИ СИСТЕМИ ВО ЕВРОПА ПОРАДИ ЛЕСНАТА МОНТАЖА
17.03.2025
Поставувањето на сончеви панели доживува брз развој во Европа и светот, надминувајќи ги традиционалните инсталации на покривот и големите соларни фарми. Панелите сега можат да се видат покрај патиштата, железничките линии, над пасиштата и овоштарниците, а најновиот тренд во обновливата енергија доаѓа во форма на соларни системи поврзани на мрежата.
Сончевите системи со приклучок, познати и како балконски електрани или мини соларни системи, се дизајнирани така што корисниците можат сами да ги инсталираат на балкони, тераси, во градини, на ѕидови или покриви. Тие најчесто содржат еден или два соларни модули кои можат да се приклучат директно во стандарден заземјен штекер.
Според извештајот објавен од SolarPower Europe, пазарот на поврзани фотоволтаични системи во Европа доживува значителен раст. Ваквите системи стануваат сè попопуларни како одговор на поскапувањето на електричната енергија.
Извештајот покажува дека во некои европски земји тие можат да покријат до 25 отсто од годишната потрошувачка на електрична енергија во домаќинствата. Дополнително, овозможуваат поголема енергетска независност, демократизација на производството на енергија и намалување на месечните трошоци.
Во Германија комплет со еден модул од 400 вати чинеше од 300 до 500 евра, а денес може да се најде за 200 евра. Најнапредните системи на батерии може да чинат до 1.500 евра, се вели во извештајот, пренесува Курир.