Бизнис
ЗА КИРИИ ПЛАЌААТ ДО 40 ОТСТО ОД ПЛАТИТЕ, СТАНБЕНАТА КРИЗА ВО ЕУ СЕ ПРОДЛАБОЧУВА
14.03.2025
Проблемот со недостигот на слободни станови за граѓаните во Европската Унија станува се поизразен, а земјите во Унијата не преземаат доволно за надминување на станбената криза. Речиси 10 отсто од населението на Европската Унија троши 40 отсто или повеќе од својот приход за домување и за други сродни трошоци.
- Во Европа во моментов има речиси 900.000 луѓе без покрив над главата, рече европскиот комесар за енергетика и домување Дан Јоргенсен на првиот состанок на Специјалниот комитет за станбена криза во Европскиот парламент, пренесува Европската новинска агенција (ENR).
Тој додава дека во последните 15 години кириите во ЕУ реално се зголемиле за околу четвртина, а цените на становите за околу половина.
- Овие бројки и луѓето зад нив се суштината на станбената криза во Европа. И мислам дека ќе се согласите со мене: овие бројки се едноставно неприфатливи, рече тој.
Претседателката на Европската комисија Урсула фон дер Лајен назначи поранешна данска министерка за енергија за прв комесар за домување, област во која ЕУ има малку директни овластувања, за да обезбеди поддршка од социјалистите во Европскиот парламент за нејзиниот реизбор.
Јоргенсен истакна дека „главниот дел од одговорноста“ за домувањето е кај земјите-членки на ЕУ и регионалните и локалните власти. Комисијата ќе го објави својот прв европски план за доделување на станови. Планот ќе понуди техничка помош за градовите и земјите-членки и ќе се фокусира на инвестиции во станбената изградба и за обезбедување на пристапно домување, пренесе Б92.
фото freepic