Бизнис
ШПАНСКИ ХОТЕЛИЕР КУПУВА ХОТЕЛ ЗА СМЕСТУВАЊЕ НА СЕЗОНСКИТЕ РАБОТНИЦИ
11.03.2025
Шпанскиот синџир на хотели Мелиа купува апартмани за своите сезонски гости поради скокот на цените на кириите за изнајмување на станбен простор во Шпанија.
Шпанската компанија планира да купи имот за сместување на сезонски работници кои не можат да си дозволат да изнајмуваат скапи станови во туристичките места, изјави Габриел Ескаер извршниот директор на синџирот.
Причината за таквиот потег е што постои ризик кризата во секторот домување да предизвика недостиг на работна сила во туристичкиот сектор во земјата. Најголемиот шпански синџир на хотели, купил поранешен хостел на Балеарскиот остров Менорка и планира слични превземања во Ибица и Мајорка, како и на Канарските Острови и континентална Шпанија, за да ја смести својата работна сила во текот на летната сезона.
Тој посочи дека поради бумот на краткорочните изнајмувања за туристи, наоѓањето станови во текот на сезоната стана невозможна мисија и додаде дека ниту доброто плаќање на вработените веќе не е доволно за да се задржат талентите.
„Сакавме да обезбедиме станови за нашата работна сила“, рече Ескарер.
Кризата за домување во Шпанија е предизвикана од остриот пад на изградбата на нови станови од 2012 година. Според официјалните податоци, Шпанија минатата година прими рекордни 94 милиони туристи, при што тројца од 10 посетители избрале да останат во викендички наместо во хотели.
Ескарер истакна дека купувањето станбен простор е радикално решение за Мелиа, која беше принудена да смести дел од својот персонал во хотелски соби во последните две години за да може да ги вработи, пренесува Б92.
фото freepic